Այսօր ԿԱռավարության նիստի ժամանակ ՏԿԵ նախարար Դավիթ Խուդաթյանը հայտնեց, որ Արմավիրի մարզի Վաղարշապատ ու Խոյ համայնքները կմիավորվեն։
«Փնջում ներառվում են ներկայիս Վաղարշապատ և Խոյ համայնքները՝ վերջիններիս կազմում ընդգրկված 19 բնակավայրերով։ Այս քայլով Կառավարությունն ապահովում է վարչատարածքային բարեփոխումների հետագա ընթացքը, ինչին կհաջորդի արդեն լիազորությունների ապակենտրոնացման գործընթացը»,- ասել է նախարարը։
Նշենք, որ Վաղարշապատ համայնքում ավագանու ընտրությունները նախատեսվում է անցկացնել նոյեմբերի 16-ին։ Պաշտոնակատարն այժմ Արմավիրի մարզպետ Արգիշտի Մեխակյանն է, ով էլ գլխավորելու է ՔՊ-ի ցուցակը։
