ԱՄՆ նախագահ Դոնալդ Թրամփը հայտնել է, որ, եթե անհրաժեշտ լինի, պատրաստ է մայիսի 16-ին գնալ Ստամբուլ, որտեղ մայիսի 15-ին նախատեսվում են 2022-ից ի վեր առաջին ուղիղ շփումները Ռուսաստանի եւ Ուկրաինայի միջեւ։
«Ես կարծում եմ, որ մեզ մոտ ամեն բան լավ կանցնի Ռուսաստանի եւ Ուկրաինայի հետ։ Մտածեք միայն. ամեն շաբաթ զոհվում է միջինը 5 հազար զինվոր։ Տեսնենք, թե ինչպես վերջ դնենք դրան։ Ես մտածում եմ այն մասին, որ գնամ, բայց դա շատ դժվար է այսօր եւ վաղը մեր զբաղվածության հետ կապված։ Բայց եթե ինչ-որ բան տեղի ունենա, ես կգնամ հինգշաբթի, եթե դա անհրաժեշտ է։ Ներկայում մեր մարդիկ արդեն բանակցություններ են վարում»,- ասել է Թրամփը ԱՄՆ եւ Կատարի գործարար շրջանակների ներկայացուցիչների հետ հանդիպմանը Դոհայում։
