Թեհրանի և ԵՄ եռյակի (Մեծ Բրիտանիա, Գերմանիա և Ֆրանսիա) միջև միջուկային բանակցությունները կարող են շարունակվել, սակայն ԵՄ եռյակի դերը դրանցում կնվազի, հայտարարել է Իրանի արտաքին գործերի նախարար Աբբաս Արաղչին։
«Դիվանագիտության ուղին անսասան կշարունակվի, սակայն ընթացակարգը և մասնակիցները փոխվել են այսօրվա պայմաններում։ Եվրոպական երկրների դերը ապագա բանակցություններում, անշուշտ, պակաս ակնառու կլինի, և բանակցություններ վարելու համար նրանց կողմից առաջ քաշված պատրվակի կշիռը նվազել է», – նախարարի պաշտոնական Telegram ալիքը մեջբերում է նրա խոսքերը։
Նրա խոսքով՝ սեպտեմբերին Ատոմային էներգիայի միջազգային գործակալության ( ԱԷՄԳ ) հետ Կահիրեի համաձայնագիրը, որը սահմանում է գործակալության և Իրանի միջև փոխգործակցության շրջանակ՝ հաշվի առնելով իրանական միջուկային օբյեկտներին հարվածները, այլևս բավարար չէ ԵՄ եռյակի կողմից միջազգային պատժամիջոցները վերականգնելու որոշումից հետո։ Թեհրանը պլանավորում է նոր որոշումներ կայացնել այս հարցի վերաբերյալ։
