«Մայ Աթոռի տեղեկատվական հանձնախմբի հերթական նիստում, ի թիվս այլ հարցերի, նաև ընդգրծված էր տեր Արամի և տեր Տարոնի հարցը։ Տեր հայրերը հրավիրված էին հանձնախմբում զրույցի և քննարկման։ Երկուսն էլ չեն ներկայացել և բնականաբար, այդ պատճառով, հարցի ամբողջական քննություն հանձնախումբը չի կարողացել ունենալ»,- Մայր Աթոռում տեղի ունեցած ճեպազրույցում ասաց Մայր Աթոռի Տեղեկատվական համակարգի տնօրեն տեր Եսայի քահանա Արթենյանը։
Տեր Եսային հույս հայտնեց, որ տեր հայրերը կանոնական դաշտը գալով՝ ի վերջո կգնան Մայր Աթոռ և, ի վերջո, հանդիպումը տեղի կուենան, կլինեն պարզաբանումներ և որոշումներ։ «Չենք կարող անկնկալել, որ դա շատ արագ տեղի ունեցող գործընթաց է»,- ասաց նա։
Ինչ վերաբերում է օրերս Հովհաննավանքում տեղի ունեցած միջադեպին, որտեղ տեր Մանուկին խոչընդոտել էին մուտք գործել ծառայության վայր, տեր Եսային ասաց․ «Տեր Մանուկը իրավացիորեն փորձեց բախումներ չհրահրել, իրավիճակը չսրել և հեռացավ՝ հանդիպելով այդ կազմակերպված ցուցադրական ընդդիմությանը և նաև ոստիկանական ահռելի ուժերին։
Հարցը եկեղեցական իշխանությունների տիրույթում է և լուծում կգտնվի։ Եթե տեր Մանուկը նշանակվել է այնտեղ ծառայության, դա եկեղեցական իշխանությունների որոշումն է, որը պետք է հարգվի»։
Մանրամասն՝ տեսանյութում։
