Մոտ ապագայում սպասվում է ՀՀ վարչապետ Նիկոլ Փաշինյանի այցը Ռուսաստան։ Այս մասին հայտարարել է Ռուսաստանի փոխվարչապետ Ալեքսեյ Օվերչուկը։
«Նիկոլ Վովաևիչը երկու շաբաթ առաջ Ռուսաստանում էր։ Մենք սպասում ենք նրան Ռուսաստանում մոտ ապագայում», — նշել է նա։
Անդրադառնալով օգոստոսի 8-ին Վաշինտոնում ստորագրված համաձայնագրին՝ Օվերչուկը նշել է․ Մենք քննարկում ենք այս հարցը։ Հայաստանը մեր ռազմավարական դաշնակիցն է։ Եթե Հայաստանը կարծում է, որ ինչ-որ բան նրա համար լավ է, ապա, իհարկե, մենք աջակցում ենք դրան։ Ռուսաստանն աջակցում է Հարավային Կովկասում խաղաղության գործընթացներին, որոնք լիովին համապատասխանում են իր շահերին։ Իհարկե, այն համաձայնությունների շրջանակներում, որոնց կարելի է հասնել, առաջանում են որոշ նրբերանգներ, որոնք մենք պետք է պարզաբանենք հայկական և ադրբեջանական կողմերի հետ միասին»։
