Սամվել Հակոբյանը ֆեյսբուքյան իր էջում գրում է․
Այսօր վերջապես հասցրեցի կարդալ կառավարության 2024 թվականի հաշվետվությունը։ Շքեղ ձևակերպված տեքստ է, միայն մի խնդիր ունի՝ կապ չունի մեր երկրի իրական վիճակի հետ։
Որպես Երևանի ավագանու անդամ՝ բնական էր, որ առաջին հերթին ուզում էի տեսնել, թե ինչ է ասվում մայրաքաղաքի մասին։ Իսկ որպես Հայաստանի քաղաքացի, ով ուզում է ապրել ու զարգանալ հենց այստեղ՝ ինձ հետաքրքրում էր նաև անվտանգությանը և արտաքին քաղաքականությանը վերաբերող հատվածը։
Երևանի մասով ուղղակի անտեսել են քաղաքի բոլոր իրական խնդիրները և ներկայացրել միայն, թե քանի համերգ ու սպորտային միջոցառում են անցկացրել։ Ոչ մի խոսք՝ տրանսպորտից, օդի աղտոտվածությունից, գների աճից, համայնքային խնդիրներից։ Ամբողջությամբ ձևական մոտեցում։
Բանակի և անվտանգության մասով հպարտությամբ նշում են, որ 2024-ը «ամենախաղաղ տարին» է եղել վերջին շրջանում։ Բոլորս գիտենք՝ լռությունն ապահովվել է զիջումների ու հանձնումների գնով։ Եվ նույնիսկ այդ «խաղաղ» տարում ունեցել ենք 36 մահացած զինծառայող։
Արտաքին քաղաքականության և դիվանագիտության մասով փորձում են հանրությանը մոլորեցնել՝ ներկայացնելով բազմաթիվ միջազգային հանդիպումները որպես հաջողություն։ Իրականում՝ այդ հանդիպումների կամ անօգուտ էին, կամ էլ բացասական հետևանքներ ունեցան պետության համար։ Ունենք անգրագետ գլոբալիստներ, որոնք կամ անմեղսունակից են, կամ՝ դավաճան, և քանդում են մեր հարաբերությունները բնական և ռազմավարական դաշնակիցների հետ՝ չունենալով որևէ իրական այլընտրանք։ Արևմուտքի հետ չունենք որևէ ռեալ դաշինքի հեռանկար, փոխարենը ՝ ստրկական պայմանագիր՝ Էրդողանի ու Ալիևի հետ։
Հ.Գ. Այս փաստաթուղթը կարդալուց հետո այլևս հարցեր չունեմ՝ որտեղ է Ավինյանը սովորել կեղծ և ձևական բյուջետային ու զարգացման հաշվետվություններ գրել։
