«Սևաստոպոլի պաշտպանություն 1854–1855 թվականներին» պանորամայի շենքը գրեթե ամբողջությամբ ոչնչացվել է ուկրաինական անօդաչու թռչող սարքի նպատակային հարվածի հետևանքով, հայտնել է Սևաստոպոլի ղեկավար Միխայիլ Ռազվոժաևը։ Հայտնում է ՏԱՍՍ-ը:
Զոհեր և տուժածներ չկան, իսկ հրդեհաշիջման աշխատանքները դեռ շարունակվում են, հայտնել են տարածաշրջանի իշխանությունների ներկայացուցիչները։
Պատմական շենքի տանիքը ամբողջությամբ բռնկված է։ Հրշեջները փորձում են փրկել անգնահատելի համայնապատկերը (պանորաման), հայտնել է թանգարանի մամուլի ծառայությունը։
Հրդեհին տրվել է վտանգավորության չորրորդ կարգ, նշել է Ռազվոժաևը։
Թանգարանի տնօրենի խոսքով՝ Սևաստոպոլի խորհրդանիշ համարվող պանորամայի շենքում ստեղծված իրավիճակը մնում է լարված։
