Ռուսաստանը ռազմի դաշտում կգործի զգույշ, բայց հաստատակամ և կհասնի իր նպատակներին։ Այս մասին հայտարարել է Ռուսաստանի նախագահ Վլադիմիր Պուտինը, փոխանցում է ՏԱՍՍ-ը։
Նրա խոսքով՝ Ռուսաստանն արժանապատվորեն է հաղթահարում պատմական այս փուլը։
«Ողջ ռուս ժողովուրդը, ամբողջ հասարակությունը աջակցում է հատուկ ռազմական գործողության մասնակիցներին»,- համոզմունք է հայտնել Պուտինը։
Միևնույն ժամանակ նա նշել է, որ առկա են գնաճի աճի ռիսկեր՝ վստահեցնելով, որ Ռուսաստանի ֆինանսատնտեսական համակարգը կայուն է։
«Ռուսաստանի թշնամիները, ի վիճակի չլինելով հաղթել նրան մարտի դաշտում, ապավինում են ակնհայտ ահաբեկչական մեթոդների։ Ռուսաստանն ունակ է հակահարված տալ ցանկացած թշնամական քայլի»,- հավելել է Պուտինը։
Նրա պնդմամբ՝ Ռուսաստանի դեմ Արևմուտքի սահմանած պատժամիջոցները ռեկորդային են «ինչպես իրենց քանակով, այնպես էլ անարդյունավետությամբ ու հենց նախաձեռնողներին հասցրած վնասով»։
