«Ռոսիա ավիաուղիներ» ավիաընկերության երկու ուղևորատար Superjet ինքնաթիռների շարժիչները 35 րոպե տարբերությամբ խափանվել են Մոսկվայի «Շերեմետևո» օդանավակայանում։
SHOT-ի տվյալներով՝ առաջին չվերթը պատրաստվում էր Մոսկվայից Կազան թռիչքի։ Անձնակազմը շարժիչներից մեկից թրթռումներ է զգացել։ Ինքնաթիռում եղել է 79 ուղևոր, ոչ ոք չի տուժել։
Երկրորդ չվերթը Նիժնի Նովգորոդից ժամանել է 37 րոպե անց։ Վայրէջքից անմիջապես հետո անձնակազմը նախազգուշացում է ստացել շարժիչի բարձր թրթռման մասին։
Երկու ինքնաթիռներն էլ այժմ թռիչքներից ազատվել են, և «Ռոսավիացիա»-ն ստեղծում է հատուկ հանձնաժողով՝ միջադեպը հետաքննելու համար։
