ԱՄՆ նախագահի բանագնացները Մոսկվայում են, որտեղ նախատեսվում է հանդիպում Ռուսաստանի նախագահ Վլադիմիր Պուտինի հետ։ Գրում է ՏԱՍՍ-ը:
Քուշների խոսքով՝ հանդիպման ընթացքում նախատեսվում է քննարկել Աբու Դաբիում կայացած բանակցությունների ժամանակ բարձրացված հարցերը և փորձել առաջընթաց գրանցել մի շարք խնդիրների լուծման ուղղությամբ։
Նա նաև հայտնել է, որ Մոսկվայից հետո Ուիթքոֆի հետ կմեկնի Դուբլին, որտեղ նախատեսվում է հանդիպում Ուկրաինայի նախագահ Վլադիմիր Զելենսկու հետ՝ մի շարք առաջարկներ առավել մանրամասն քննարկելու նպատակով։
ՌԴ նախագահի մամուլի քարտուղար Դմիտրի Պեսկովը նշել է, որ ամերիկյան կողմի հետ շփումները կշարունակվեն։ Կրեմլի ներկայացուցիչ Յուրի Ուշակովն էլ չի բացառել ամերիկացի բանագնացների այցը Մոսկվա։
Պուտինի և Ուիթքոֆի վերջին հանդիպումը կայացել է հոկտեմբերի 21-ին՝ Սանկտ Պետերբուրգում։ Ուշակովի խոսքով՝ շուրջ երեք ժամ տևած հանդիպման ընթացքում կողմերը քննարկել են նաև ուկրաինական հակամարտության կարգավորման հարցերը։
