Փաստաբան Ռոման Երիցյանը հրապարակել է արցախցի Տիգրան Ուլուբաբյանին խոշտանգած ոստիկաններից երկուսի լուսանկարները եւ գրառում արել:
«Հրապարակում եմ Տիգրան Ուլուբաբյանին խոշտանգած ոստիկաններից երկուսի լուսանկարները։
Առաջին լուսանկարում ոստիկանության Լոռու մարզային վարչության պետն է, Տիգրանին «մշակելու» առաջադրանք տված Խորեն Բարխոյանը, իսկ երկրորդում՝ «մշակողներից» ամենաակտիվը՝ Գոռ Խարաթյանը։
Խնդիրը խոշտանգման զոհի մեջ չէ, Տիգրանի փոխարեն եղել և կարող էին լինել այլ անձինք։ Խնդիրը խոշտանգման երևույթն է, որն ինձ համար անընդունելի է յուրաքանչյուրի դեպքում։
Մարտի 19՝ ժամը 19:30, Մամիկոնյանց փող., 46/5 շենք»:
