«Ամենից որոշիչը, իմ կարծիքով, եղել է դրսի աջակցությունը, որովհետև դրսի աջակցությունը հնարավորություն է տվել ՔՊ-ին և Նիկոլ Փաշինյանին անտեսել և՛ օրենսդրությունը, անտեսել բոլոր, այսպես ասենք, քաղաքավարության նաև նորմերը։ Որովհետև այն աջակցությունը, որը ցուցաբերեցին, օրինակ, Միացյալ Նահանգները և եվրոպացիները, կարելի է պարզ լեզվով թարգմանել հետևյալ կերպ՝ «արա՛ ինչ ուզում ես, մենք ճանաչելու ենք քո իշխանությունը»։ Սա ուղղակի այս հայտարարությունն էր, և Նիկոլ Փաշինյանը արեց այն, ինչ հնարավոր էր, ինչ կարելի էր անել կամ չի կարելի՝ թքելով օրենսդրության վրա, թքելով ամեն ինչի վրա։ Նայե՛ք, ես փայլուն հարաբերություններ եմ ունեցել Ժակ Շիրակի հետ, Պուտինի հետ, բայց երբևիցե որևէ ընտրության ժամանակ ոչ Ժակ Շիրակը, ոչ Պուտինը, ոչ այլ նախագահներ, որոնց հետ հարաբերությունները շատ լավ էին, մինչև ընտրությունները կոչ չէին անում քվեարկել, օրինակ, իմ օգտին: Եվ սա ընդունված չէր, սա համարվում էր կոպիտ միջամտություն, և ես չեմ հիշում, որ Հայաստանի պատմության մեջ երբևիցե նման բան լիներ»,- այս մասին YerevanToday-ին, 5-րդ ալիքին և News.am-ին տված հարցազրույցում ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Մանրամասն՝ տեսանյութում։