«Ուղիղ հինգ տարի առաջ, այս օրերին, այս հրապարակում մեր ժողովրդին, ձեզ բոլորիդ, մի բան ենք ասել։ Ասել ենք, որ մեր երկրին մահ, ողբերգություն ու դժբախտություն բերած իշխանությունը չպետք է վերարտադրվի։ Եթե վերարտադրվի, մեր անվտանգային սպառնալիքներն ավելանալու են, ունենալու ենք նոր փորձանքներ, նոր կորուստներ, նոր նվաստացումներ։
Այսօր այդ անվտանգային խնդիրները լուծված չեն, առկա են, և այսօր, նայելով ձեզ, ասում ենք՝ ժողովուրդ ջան, այսքան փորձություններից հետո Հայաստանի իշխանության ղեկին հայտնված այս ոհմակը պատրաստվում է երկիրը տանել նոր արկածախնդրությունների, նոր անվտանգային փորձությունների։ Դժբախտությունների միջով անցկացնելուց հետո այդ խնդիրները դեռ չլուծված՝ հիմա էլ երկիրը պատրաստվում է տանել նոր տնտեսական ու սոցիալական ծանր փորձությունների»,- այս մասին այսօր՝ մայիսի 30-ին, Աշտարակում քաղաքացիների հետ հանդիպման ընթացքում հայտարարեց «Հայաստան» խմբակցության պատգամավոր Իշխան Սաղաթելյանը։
Մանրամասն՝ տեսանյութում։
