«ՔՊ անդամները ընտրությունների գիշերը ելույթ ունեցան պանիխիդայի դեմքերով: Իսկապես ենթադրում է, որ իրենք մտածում էին, որ այն աջակցությունը, որը ստացել էին, այն լծակները, որոնք իրենք կիրառել են, պետք է տային այլ արդյունք:

Այս համոզմունքը ես ունեմ՝ նաև տեսնելով իր հոգևքը ինչ վիճակում է գտնվում, կիսում եմ ձեր ասածը, բայց այդ բացատրությունը ես և չեմ ուզում տալ, և չունեմ այդ բացատրությունը, որովհետև մենք խոսում ենք մի մարդու մասին, որի կանխատեսելիությունը բավական պրոբլեմային է:

Հիմա այդ պահին ինչը դրդեց, ինչի համար սա ասաց, ինչի համար մյուս բանը ասաց, իմ համոզմունքը նա է՝ այո, որ իրենց սպասվածը չեն ստացել:

Եվ Դիլիջանում հայտնվելը և Ալիևի ուղարկած մարդու առջև, ենթադրաբար, հաշվետվություն տալը, երևի նաև այս մոտիվացիան ուներ:

Եվ, եթե չեմ սխալվում, նաև Ազգային ժողովի ամբիոնից ասաց, որ եթե հրավիրեն՝ կգնա Բաքու:

Իրեն չեն հրավիրելու, իրեն կանչելու են: Սա այն հարաբերությունները չեն, որտեղ հրավիրում են: Հրավիրում են գործընկերներին: Իրենք կանչելու են կամ չեն կանչելու։

Ենթադրում եմ, որ ինքը տվել է խոստումներ, և հիմա իրեն ուղղակի հարցրել են՝ ասել են՝ դու այդ խոստումներին տե՞ր ես, թե՞ տեր չես, ի վիճակի՞ ես անել, թե՞ ի վիճակի չես հանել, և ինքը վազելով գնաց հաշվետվություն տալու համար»,-  այս մասին այսօր՝ հունիսի 19-ին, հարցազրույցի ընթացքում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Մանրամասն՝ տեսանյութում։