Փարաքարի համայնքապետ Վալոդյա Գրիգորյանի համագյուղացին պնդում է՝ «Նիկոլի դարաշրջանն է, ՔՊ-ական չեղար՝ կխփեն»։
Լրագրողների հետ զրույցում նա ասաց, որ Վալոդյա Գրիգորյանի սպանության լուրից «կոտրվել են բոլորի թևերը»։
«Նա միայն սեր ու հարգանք է վայելել, հազարավոր մարդկանց է օգնել»,- նշեց մերձավանցին։
Նա կարծում է, որ «սա մահ չէ, վենդետա է»։
«Մեզ համար սա անտանելի պատիժ է ու ցավ»,- նշեց մերձավանցին։
Հիշեցնենք՝ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել։
Մահացածներից մեկը Փարաքար համայնքի ղեկավար Վալոդյա Գրիգորյանն է, երկրորդ զոհը քրեական ոստիկան Կարեն Աբրահամյանն է:
ՆԳՆ մամուլի խոսնակ Նարեկ Սարգսյանը հայտնել է, որ ոստիկանը ծառայության մեջ չի եղել, պարզապես այդ պահին Վալոդյա Գրիգորյանի հետ է եղել. նրանք ընկերական հարաբերություններ են ունեցել:
Մերձավանի կրակոցների և սպանությունների դեպքի առթիվ նախաձեռնվել է քրեական վարույթ։
Նշենք, որ վիրավորում էր ստացել նաև նրանց հետ գտնվող երրորդ անձը, որը վիրահատվել է, կյանքին վստանգ չի սպառնում։
