«Ադրբեջանը վարում է պետական քաղաքականություն, որի արտաքին քաղաքական առաջնային նպատակներից մեկը Հայաստանում ադրբեջանցիների բնակեցումն է։ Ի՞նչ թվով կլինի՝ դա չէ խնդիրը, թիվը չէ իրենց խնդիրը. իրենց խնդիրը մեր ներքին գործերին միջամտելու անսահման գործիքակազմ ունենալն է։
Ի՞նչպես պետք է դիմագրավենք սրան, ո՞րն է Նիկոլ Փաշինյանի առաջարկը մեզ, և որտե՞ղ է այստեղ ադրբեջանական պահանջների գաղափարակայնացումը։
Դուք խոսում եք արցախահայերի վերադարձի իրավունքից, դրա համար էլ Ադրբեջանը խոսում է այստեղ ադրբեջանցիների բնակեցումից․ սխալ եք ասում։ Նախ՝ Հայաստանի Հանրապետությունը պետական մակարդակով չի խոսում՝ հրաժարվել է արցախահայերի վերադարձի իրավունքի մասին խոսելուց, ու դա Ադրբեջանի և ոչ մի պահանջ չի պակասեցրել։
Բայց ինչպե՞ս կարելի էր, ինչպե՞ս հայկական շահերը պաշտպանող որևէ պետություն կդիմագրավեր այդ սպառնալիքին․ Արտաքին գործերի նախարարությունը վաղուց արդեն զբաղված կլիներ Բաքվում, Սումգայիթում և ադրբեջանական մյուս քաղաքներում ապրած հայերի իրավունքների պաշտպանության փաթեթներ կազմելով, որոնք ջարդերի հետևանքով են լքել Ադրբեջանը, և այս երկու օրակարգերը իրար հակադրելով՝ միևնույն ժամանակ, այո՛, պաշտպանելով պետական և ոչ պետական ինստիտուտներով արցախահայերի վերադարձի իրավունքը»,- այս մասին ԱԺ իր ելույթում ասաց «Հայաստան» խմբակցության պատգամավոր Քրիստինե Վարդանյանը։
Մանրամասն՝ տեսանյութում։
