Նիդեռլանդներում բացվել է խորհրդային զինվորներին նվիրված Sovjet Ereveld Experience թանգարանը։ Ռիա նովոստին գրում է, որ այն գտնվում է Լյոոսդեն քաղաքի մոտ, «Խորհրդային փառքի դաշտ» հուշահամալիրից մի քանի րոպե հեռավորության վրա, որտեղ թաղված են Երկրորդ համաշխարհային պատերազմի ժամանակ զոհված Խորհրդային Միությունից 865 զինվորներ:
Թանգարանում աշխատում են կամավորներ, ովքեր հատուկ պատրաստված են՝ օգնելու այցելուներին հաղթահարել 3D ֆիլմ դիտելու հետեւանքով առաջացած հույզերը։
Բացի Նիդեռլանդներից, թանգարանի ստեղծմանը աջակցել են նաև Ռուսաստանի արտաքին գործերի նախարարությունը, Հայաստանի, Ադրբեջանի և Ուզբեկստանի կառավարությունները, ինչպես նաև Նիդերլանդների մի շարք հիմնադրամներ: Ծախսերը կազմել են մոտ 2,3 մլն եվրո։
Նշվել է, որ, օրինակ, ռուսական կողմը 2021 թվականից թանգարանի ստեղծման համար հատկացրել է 500 հազար եվրո։ Փետրվարի վերջին Մոսկվան ևս 100 հազար եվրո է փոխանցել թանգարանում աշխատանքներն ավարտելու համար, քանի որ Ռուսաստանը մեծ նշանակություն է տալիս բուն «Խորհրդային փառքի դաշտ» հուշահամալիրին, որտեղ թաղված են Կարմիր բանակի զինվորները, և թանգարանի բացման նախաձեռնությունը։
