ՆԱՏՕ-ն չի մասնակցում Մերձավոր Արևելքի մարտական գործողություններին։ Այս մասին հայտնել է դաշինքի ռազմական կոմիտեի ղեկավար, իտալացի ծովակալ Ջուզեպե Կավո Դրագոնեն։

Նա դժվարացել է գնահատել, թե որքան կտեւի հակամարտությունը։ «Տեսնենք, թե ԱՄՆ-ը եւ Իսրայելը ինչպես կգնահատեն մարտադաշտում ձեռք բերված արդյունքները։ ՆԱՏՕ-ն չի մասնակցում ռազմական գործողություններին, եւ մենք չունենք կոնկրետ իրավիճակի այնպիսի խորքային վերլուծություն, ինչպես նրանք»,- ասել է նա La Repubblica թերթի հարցազրույցում։

ՆԱՏՕ-ի ռազմական կոմիտեի ղեկավարի կարծիքով՝ անվտանգության ապահովումը Հորմուզի նեղուցում մնում է խիստ բարդ, բայց եւ իրականանալի խնդիր։