Ես որևէ մտավախություն չունեմ և միանշանակ ողջունում եմ, որ Ռոմանոս Պետրոսյանը դիմել է դատախազություն: Այդ մասին հայտարարել է ՀԷՑ-ի գլխավոր տնօրենի նախկին տեղակալ Դավիթ Ղազինյանը՝ Makaryan News-ի հետ զրույցում` խոսելով ՀԷՑ նոր կառավարչի «աննախադեպ բացահայտումների» մասին։
Հիշեցնենք՝ Ռոմանոս Պետրոսյանը դիմել է դատախազություն՝ նշելով, թե էլենտրաէներգիայի քանակի ավելի քան 1 մլն կՎտ.ժ թերգրանցումներ կան։ ՀԷՑ ժամանակավոր կառավարիչը ֆեյսբուքյան էջում գրել է, որ ՀԷՑ-ի «Արաքս» մասնաճյուղի Արտաշատի էլեկտրական ցանցում հայտնաբերվել է ավելի քան 817 հազար կՎտ/ժամ էլեկտրաէներգիայի թերգրանցում, որը ինքնավար արտադրողները (արևային կայաններ) մատակարարել են ցանցին։
«Արևային կայանների արտադրությունը, բաժանորդների ծախսերը կատարվում է յուրաքանչյուր տարվա մայիսի մեկի դրությամբ։ Մինչև մայիսի 1-ը ամբողջութամբ կատարվել են վճարումներ բաժանորդներին»,- մանրամասնել է Ղազինյանը՝ նշելով, որ հուլիսի 21-ից հետո այլևս պաշտոնի չի եղել և տեղյակ չի եղել՝ ինչ է կատարվել։
«Հուսով ենք՝ արդարությունը կհաղթի»,- եզրափակել է նա՝ շեշտելով՝ փաստ չունեն, որ մինչև մայիսի մեկն են կատարվել Պետրոսյանի նշած թերգրանցումները։
