«Երևան քաղաքում անթույլատրելի ձևով գույքահարկը շատ բարձրացել է, և մենք առաջարկել էինք, որ 2026 թվականին պետք է չեղարկենք:

Այստեղ մենք քննարկումը նույնպես ունեցել ենք, որ ոչ թե պիտի լինի ամբողջական չեղարկում, այլ պիտի տարանջատվի թացը չորից: Այսինքն՝ շքեղության հարկ. այն մարդը, որը վճարունակ է, ինքը պարտավոր է շարունակել թանկ վճարել, իսկ այն քաղաքացին, որն ի վիճակի չէ, այս մարդու համար մենք պիտի ստեղծենք օրենսդրական այնպիսի պայման, որ այդ մարդը չվճարի: Այդ օրենսդրական նախաձեռնությունը ներկայացվելու է մեր ֆրակցիայի կողմից, ու շատ արագ: Առաջինը կքննարկենք ժողովրդի հետ, կքննարկենք մասնագետների հետ, որպեսզի ամբողջական լինի, որովհետև առաջին հայացքից թվում էր, որ բիզնեսին էլ է ինքը շատ վնաս տալիս. շատ-շատ հասարակական նշանակության օբյեկտների գույքահարկը բարձրացել է, դա էլ բերում է վարձավճարի թանկացման: Բայց որպեսզի ամբողջական լինի, դա կներկայացնենք մենք:

Հաջորդը, որ կա, ժողո՛վուրդ ջան, խայտառակ «կարմիր գծերի» օրենքն է, որ բերեցիք, դարձրեցիք տեղական վճար: Մի քանի տարի Երևանի քաղաքային իշխանությունը՝ փոքրամասնությունների կոալիցիան, ժողո՛վուրդ ջան, փոքրամասնությունների իշխանությունը մտավ քաղաքացու գրպանը՝ բառիս ուղիղ իմաստով: Երբ որ Սուրեն Գրիգորյանին՝ ձեր իրավաբանության կորիֆեին, ասում էի, որ սխալ է, կանչել եմ քննարկման առանձին, ասել եմ՝ չի՛ կարելի, օրենքով այսպես է, եկեք այսպես արեք, այնպես արեք, բեռնաթափում չի լինի, չէին լսում: Դատարանում վիճարկում էին, էլի նույն համառությամբ, նույն պնդաճակատությամբ ասում էին, որ լավ ենք արել: Այնտեղ ուրիշ է. դատարանն արել է, փաստացի ուժի մեջ մտած վճիռ կա, որ դա եղել է ապօրինի, ու դրա արդյունքում նախորդ խորհրդարանը, ի դեմս շատ-շատ պատգամավորների, ժողո՛վուրդ ջան, դուք հաստատեցիք, փոխեցիք, որպեսզի այդ անօրինականությունը դառնա օրինական:

Մենք քաղաքացու իրավունքները պիտի վերականգնենք. ոտնահարված իրավունքները պիտի վերականգնվեն, ժողո՛վուրդ ջան»,- այս մասին ԱԺ իր ելույթում ասաց «Հայաստան» խմբակցության պատգամավոր Մեսրոպ Մանուկյանը։

Մանրամասն՝ տեսանյութում։