Մենք չենք հասկանում, թե ինչու են Վրաստանի տարածքով անցնելիս մեր մեքենաները սահմանի վրա ձերբակալում, փորձաքննության են ուղարկում ու արդեն 40 օր շարունակ մեքենաները մնացել են Վրաստանի տարածքում։ Այս մասին այսօր՝ մայիսի 21–ին, Վրաստանի դեսպանատան դիմաց բողոքի ակցիայի ժամանակ նշեց կոնյակագործներից մեկը։
«Մենք չունենք ոչ մի պատասխան, թե ինչի համար է արվում, ինչ օրենքով է արվում, ում հրամանով է սա արվում, դրա համար ենք այստեղ, որ հասկանանք պատճառները։ Հենց Հայաստանից Վրաստան անցնելուց անմիջապես հետո մեքենաները կանգնեցնում են հենց սահմանին։ Այս պահին 15–ից ավելի մեքենա ունենք այնտեղ կանգնած։
Սա շատ մեծ վնասների է հանգեցնում, ամենամեծ վտանգը պատվիրատուներին կորցնելու վտանգն է, որովհետև Ռուսաստանում և Բելառուսում բոլորը պայմանագրերով են գործում։ Մատակարարման ժամկետների խնդիր ունենք ու 40 օր մենք չենք կարողանում մատակարարել։ Շատ ապրանք էլ ունենք, որ արդեն ռիսկ չենք անում ուղարկել։ Ժամկետների ուշացման խնդիր կա, շուկայից դուրս մնալու խնդիր կա, ինչպես նաև մեծ տուգանքների խնդիր կա»,–ասաց նա։
Ակցիայի մասնակիցները նշեցին, որ իրենցից երկու ներկայացուցիչներ այս պահին մտել են դեսպանատան շենք։
Մանրամասն՝ տեսանյութում։
