ՄԱԿ-ում Իրանի Իսլամական Հանրապետության դեսպան և ներկայացուցիչ Ամիր Սաիդ Իրավանին Անվտանգության խորհրդում հակաիրանական բանաձևի ընդունումը համարել է Իրանի նկատմամբ ակնհայտ անարդարություն և ասել. «Այս բանաձևը իրականության խեղաթյուրում է, և Իրանի Իսլամական Հանրապետությունը չի ճանաչում այն»։ Հաղորդում է Pars Today-ի՝ հղում անելով Իրանի պետական հետուստատեսությանը:

Իրավանին հավելել է. «Այս բանաձևի ընդունումը լուրջ հարված է հասցրել Խորհրդի հեղինակությանը և երկարատև բիծ է թողնում նրա գործունեության վրա»։

Նա ասել է. «Այսօրվա գործողությունը Անվտանգության խորհրդի մանդատի չարաշահման հստակ օրինակ է որոշ անդամների քաղաքական օրակարգերը առաջ մղելու համար, այն երկրի, որը պատասխանատու է Իրանի դեմ այս դաժան ագրեսիայի պատերազմի համար, մասնավորապես՝ ԱՄՆ ռեժիմի»։

Իրավանին հայտարարել է. «Անվտանգության խորհրդի քայլը անարդար և անօրինական են և անհամատեղելի են ՄԱԿ-ի կանոնադրության և միջազգային իրավունքի հետ և լիովին անտեսում են ագրեսիայի և խաղաղության խախտման գործողությունների որոշման հաստատված սկզբունքները»։

ՄԱԿ-ում Իրանի դեսպանը շեշտել է. «Խորհուրդը պետք է ստիպի ագրեսորներին, մասնավորապես՝ ԱՄՆ-ին և Իսրայելին, անհապաղ դադարեցնել Իրանի դեմ բոլոր ռազմական հարձակումները և ապահովել միջազգային մարդասիրական իրավունքի այս կոպիտ խախտումների և պատերազմական հանցագործությունների համար լիակատար պատասխանատվություն»։