Ռուսաստանի արտաքին գործերի նախարար Սերգեյ Լավրովը ժամանել է Ատլանտա՝ G20-ի անդամ երկրների արտաքին գործերի նախարարների հանդիպմանը մասնակցելու համար։ Հայտնում է Ռիա նովոստին։
Ինչպես ավելի վաղ հայտնել էր ՌԴ ԱԳՆ պաշտոնական ներկայացուցիչ Մարիա Զախարովան, քննարկումների հիմնական թեման կլինի համաշխարհային տնտեսության իրավիճակը՝ հաշվի առնելով աշխարհաքաղաքական զարգացումների միտումները։
G20-ի արտգործնախարարների հանդիպումը նախապատրաստական բնույթ կկրի «Մեծ քսանյակի» գագաթնաժողովի համար, որը նախատեսված է անցկացնել դեկտեմբերի 14-15-ը՝ Մայամիում։
Սեպտեմբերին ԱՄՆ պետքարտուղար Մարկո Ռուբիոն հայտնել էր, որ Ռուսաստանի նախագահ Վլադիմիր Պուտինը հրավիրվել է այդ միջոցառմանը։
Երեքշաբթի օրը Կրեմլի պաշտոնական ներկայացուցիչ Դմիտրի Պեսկովը «ՌԻԱ Նովոստի»-ին հայտնել էր, որ Պուտինի անձնական մասնակցության վերաբերյալ որոշումը դեռևս չի ընդունվել։
