Կոռուպցիան բացահայտելու համար, Տիգրան Ավինյանը փորձում է ինձ դատի տալ՝ զրպարտության մեղադրանքով. ակտիվիստ

22 Հոկտեմբերի, 2025

Բլոգեր Արթուր Չախոյանի ֆեյսբուքյան գրառումը․ «Հաղթանակ️. Ես ճիշտ էի։ 7 օր առաջ իմ կողմից հրապարակված՝ տեղեկության վերաբերյալ Azatutyun TV-ի հետ զրույցում Երևանի քաղաքապետարանը հաստատել է, որ այո՛, նշված շինարարությունն իրականացվում է առանց շինարարական թույլտվության, ինչպես ես արդեն հանրայնացրել էի։
Բայց ի՞նչ ենք տեսնում։ Կոռուպցիան բացահայտելու համար, Տիգրան Ավինյանը փորձում է ինձ դատի տալ՝ զրպարտության մեղադրանքով։

Ժողովուրդ, սա աբսո՞ւրդ չէ։ Հասկանում եք՝ ուր ենք հասել։
Կոռուպցիան բացահայտելու համար՝ գիշերը իմ վրա մահափորձ են անում երեք հոգով դանակով, հեռախոս են գողանում, թաղապետարանում մի տասը հոգով հարձակում են գործում, իսկ հիմա, երբ հասկացան, որ նման ձևերով ինձ չեն կարող լռեցնել՝ փորձում են դատարանի միջոցով ինձ լռեցնել։

Սա աբսուրդային իրավիճակ է, երբ իրավախախտումը հաստատում է հենց Երևանի քաղաքապետարանը, բայց պատասխանատվություն կրում է ոչ թե իրավախախտողը, այլ ես, ով բացահայտեց կոռուպցիան։
Նման մոտեցումը, առանց չափազանցության, խաթարում է արդարադատության՝ արդեն վաղուց աղավաղված ընկալումը՝ ի վերջո այն իսպառ վերացնելով ժողովրդի արդարադատության նկատմամբ վստահության հիմքը։

Նորից եմ շեշտում՝ Երևանի քաղաքապետարանն է պաշտոնապես հաստատել, որ շուկան կառուցվում է առանց շինարարական թույլտվության։
Հարց՝ Նիկոլ Փաշինյանին․ Եթե կոռուպցիա չկա, ապա
ինչո՞ւ քաղաքապետարանը չի քանդում ապօրինի, առանց շինթույլտվության կառուցված շինությունը, որը գտնվում է համայնքային հողատարածքի վրա։
Սա շատ պարզ և տրամաբանական հարց է, որն ակնկալում է հստակ պատասխան։

Ինչպե՞ս է ստացվում, որ Տիգրան Ավինյանը քանդում է «բուդկա-գարաժ» տիպի շինություններ՝ անգամ այն դեպքում, երբ դրանց վերաբերյալ դատական գործընթացներ են ընթանում, բայց այս դեպքում՝ քաղաքապետարանը ոչինչ չի անում, չնայած որ իրենք են հաստատել, որ շուկան ապօրինի է կառուցվել, և դա՝ համայնքի հողի վրա։
Ի դեպ, ես բացարձակ կողմնակից եմ, որ քաղաքապետարանը ապամոնտաժում է հին ավտոտնակները և ժանգոտած «բուդկա-մուտկաները»։
Բայց խնդիրը մի պարզ ճշմարտություն է․ օրենքը պետք է գործի հավասարապես բոլորի նկատմամբ։ Չի կարող լինել ընտրովի մոտեցում՝ մեկին քանդում եք, մյուսին՝ ոչ»։

 

Նմանատիպ նյութեր

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

«Ժողովուրդ» օրաթերթը գրում է. «Էկոնոմիկայի նախարար Գևորգ Պապոյանը վերջին օրերին Ռուսաստանի կողմից հայկական ապրանքների նկատմամբ կիրառվող սահմանափակումների հարցում բավականին խառը հայտարարություններ է անում՝ մի կողմից խոստանալով հասնել դրանց վերացմանը, մյուս կողմից՝...

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

Ամեն ինչ հանձնելուց հետո քո հրաժարականը ո՞ւմ է պետք. Սաղաթելյանը՝ Փաշինյանին

ՀՀ ԱԺ պատգամավոր Իշխան Սաղաթելյանը ֆեյսբուքյան իր էջում գրում է. Իշխանությանը հեռացնելու համար ընդդիմությանը ոչ թե իշխանության հետ գործարքի գնալ է հարկավոր, այլ նրա հետ որևէ գործարքի բացառում։ Հետևաբար՝ ընդդիմությանն առաջարկված գործարքը. համաձայնեք Ալիևի բոլոր...

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Գրիբոյեդով գյուղում «Merceders»-ը վթարի է ենթարկվել․ 22-ամյա 2 ուղևոր տեղափոխվել է հիվանդանոց

Նոյեմբերի 6-ին, ավտովթար է տեղի ունեցել Արմավիրի մարզում։ Ժամը 00։05-ի սահմաններում Գրիբոյեդով գյուղի սկզբնամասում Արմավիրի մարզի բնակիչ 24-ամյա Մելիք Հ․-ն իր վարած «Merceders» մակնիշի ավտոմեքենայով դուրս է եկել ճանապարհի երթևեկելի գոտուց և կողաշրջված հայտնվել...

ՊՆ-ն հաստատեց. զինծառայող է մահացել

ՊՆ-ն հաստատեց. զինծառայող է մահացել

Նոյեմբերի 18-ին հայտնաբերվել է ՊՆ N զորամասի պայմանագրային զինծառայող Ն. Բ.-ի դին՝ հրազենային վնասվածքով: Այս մասին տեղեկանում ենք ՊՆ-ից: Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է...

Սոթքի զորամասում պայմանագրային զինծառայող է մահացել․ Factor

Սոթքի զորամասում պայմանագրային զինծառայող է մահացել․ Factor

Factor TV-ի տեղեկություններով՝ Սոթքի զորամասում պայմանագրային զինծառայող Ն. Բ.-ն մահացել է: Նախնական տեղեկություններով՝ զինծառայողը կրակել է իր գլխին։ Կայքի տեղեկություններով` զինծառայողը Գավառից էր, հայրը երկրում չէ: Պաշտպանության նախարարությունից հայտնել են, որ քիչ...