Այո, ճիշտ է, որ կոռուպցիան ամբողջությամբ հաղթահարված չի աշխարհի որևէ երկրում: Ճիշտ է նաև, որ բազմաթիվ երկրներ կան, որոնք ունեն դրական փորձ և արդյունավետ կերպով կանխարգելում և հետևողականորեն նաև փոքրացնում են կոռուպցիայի ծավալները և դրա ահռելի ահագնացող բացասական հետևանքները: Այս մասին այսօր՝ մարտի 4-ին, հայտարարեց ԱԺ «Հայաստան» խմբակցության պատգամավոր Թադևոս Ավետիսյանը։
«Կոռուպցիայի և դրա հետևանքների մասին հանրային լայն քննարկումները մեր երկրում ինքնին վկայում են, որ այս հիմնախնդիրը շարունակվում է չլուծված մնալ նաև հանրային ընկալման տեսանկյունից: Եվ ես արձանագրում եմ, որ քաղաքական շահարկումները բառից բուն իմաստով այս թեմայի չեն բխում հակակոռուպցիոն պայքարի լավագույն շահից: Ի՞նչ է կոռուպցիան, որո՞նք են դրա դրդապատճառներն ու դրսևորումները, որոնք պետք է լինեն հենց դրա դեմ համակարգային պայքարի թիրախ:
Կոռուպցիան միայն կաշառակերությունը չի, այն ունի ավելի խորը արմատներ և դրս պատճառներ կոռուպցիան լայն իմաստով պաշտոնատար անձի ցանկացած գործողություն, անգործություն կամ անփութությունն է, որի հետևանքով այդ անձը կամ նրա հետ փոխկապակցված խումբը ստանում է քաղաքական, տնտեսական և այլ օգուտներ և կամ հանրությունը կրում է անհատական ու հավաքական վնասներ պետբյուջեի փոշիացման ձևով, անարդյունավետ հանրային ծախսերի միջոցով սոցիալ-տնտեսական հնարավորությունների կորստի ձևով կամ սեփական իրավունքները խախտվելու և դրանք պաշտպանելու հնարավորությունների պակասի ձևով:
Այս սահմանման ներքո բերեմ տարբեր ոլորտներից ակնհայտ փաստեր, որոնք մեր աչքի առջև են, դրանց կոնկրետ դրսևորումները, որոնք ունեն թաքնված կոռուպցիոն ռիսկեր, տարածման և զարգացման պարարտ հող, ցավոք սրտի, և դուրս են իրական և ամբողջական թիրախավորումից»,- ասաց նա։
Մանրամասն՝ տեսանյութում։
