«Պատահական չէ, որ աս ընտրությունների տարվան տարում իշխանությունը պետք է գործադրի իր ողջ գործիքակազմը, որպեսզի շարունակի մեղադրել նախկիններին, իսկ իրենք իբրև մաքուր ձեռքերով իշխանություն, ոչ մի բանի մասին տեղեկություն չունեն և ապշահար լսում են ու սկսում են դատապարտել նախկինների կատարած հանցագործությունները: Մի իշխանություն, որ արդեն ութ տարի իշխանության է, մի իշխանություն, որը այս ութ տարիների ընթացքում որևէ ազգային, պետական մակարդակով դրական շոշափելի արդյունք ցույց չի տվել, բայց տեմպով, հետևողականորեն փորձում է նախկիններին վերագրել դարի հանցագործությունները և ոչ ավել, ոչ պակաս՝ օգտագործվում են բառապաշարներ, իմ կարծիքով՝ նույնիսկ դաստիարակությունից էլ դուրս բառապաշարներ, որոնք ուղղակի անթույլատրելի են, հատկապես այս ամբիոնից երբ որ հնչեցվում են։ Էլ գող, էլ ավազակ, էլ ի՜նչ բառեր։ Սա այն դեպքում, երբ որ այդ նշված դեպքերի վրա ոչ միայն որևէ դատական ակտ չկա, այլ նույնիսկ այդ ապացույցների 80- 90%-ը հետագայում պարզվում է, որ ընդհանրապես առնչություն չունի այդ նկարագրված արարքների հետ»,- ԱԺ ամբիոնից ելույթում հայտարարեց «Հայաստան» խմբակցության պատգամավոր Արծվիկ մինասյանը՝ անդրադառնալով հակակոռուպցիոն կոմիտեի տարեկան զեկույցին։
Պատգամավորի ելույթը՝ տեսանյութում։
