«Կոչ ենք անում ձկնորսներին՝ սպասել մինչև սիգի որսի արգելքի ավարտը». ՆԳՆ

15 Դեկտեմբերի, 2025

«Նոյեմբերի 20-ից մինչև փետրվարի 1-ը Սևանա լճում արգելված է սիգի արդյունագործական որսը: Եվ այս արգելքը խախտողների դեմ ակտիվորեն պայքարում է նաև Ոստիկանության պարեկային ծառայության Գեղարքունիքի մարզի գումարտակի ջրային պարեկների վաշտը: Ամփոփ ներկայացնենք այս ուղղությամբ վերջին օրերին նրանց կատարած աշխատանքի արդյունքները:

Դեկտեմբերի 11-ին, ժամը 09։45-ի սահմաններում, Կարճաղբյուր-Ծովակ գյուղերի միջև ընկած ափամերձ տարածքում ջրային պարեկները հայտնաբերել են ձկնորսական երկու նավակ, որոնք տեղափոխվել են պահպանվող հատուկ տարածք։

Դեկտեմբերի 12-ին, ժամը 06։30-ի սահմաններում, Երևան-Սևան-Իջևան ճանապարհի 52-րդ կմ-ին վաշտի ծառայողները կանգնեցրել են Գավառ քաղաքի մի բնակչի վարած «Օպել Աստրա» մակնիշի ավտոմեքենան: Բեռնախցիկում հայտնաբերվել է մոտ 57 կգ քաշով 155 սիգ։

Վարորդն ու մեքենան տեղափոխվել են Համայնքային ոստիկանության Սևանի բաժին։

Դեկտեմբերի 14-ին, ժամը 11։25-ի սահմաններում Երևան-Սևան-Իջևան ճանապարհի 58-րդ կմ-ին ջրային պարեկները կանգնեցրել են Գավառի բնակչի վարած «Վազ 2109» մակնիշի ավտոմեքենան։ Ստուգմամբ հայտնաբերվել է 10 կգ-ից ավելի ձկնկիթ։

Տղամարդը ավտոմեքենայով հանդերձ տեղափոխվել է Համայնքային ոստիկանության Սևանի բաժին։

Նույն օրը, նույն ճանապարհահատվածում պարեկները կանգնեցրել են Գավառ քաղաքի մեկ այլ բնակչի վարած «Օպելը», որի սրահում հայտնաբերվել է երկու կիլոգրամից ավելի ձկնկիթ։

Այս դեպքում էլ` վարորդը ավտոմեքենայով հանդերձ տեղափոխվել է Սևանի բաժին։

Դեկտեմբերի 15-ին, ժամը 01։30-ի սահմաններում, վաշտի ծառայողները Ծովագյուղ-Շորժա հատվածում հայտնաբերել և ապօրինի ձկնորսությամբ զբաղվելու կասկածանքով Սևանի համայնքային բաժին են տեղափոխել Ծովագյուղի մի բնակչի: Նրա ռետինե նավակում կար 40 հատ սիգ և 9 հատ կարաս տեսակի ձուկ»:

Ուժեղացված ծառայությունը շարունակվում է:

Որսի արգելքն ինքնապատակ չէ: Ուստի կոչ ենք անում ձկնորսությամբ զբաղվող մեր քաղաքացիներին` սպասել մինչև սիգի որսի արգելքի ավարտը: Դրանով դուք ոչ միայն կխուսափեք վարչական կամ քրեական պատասխանատվությունից, այլև կնպաստեք Սևանա լճի ձկնային պաշարների կայուն վերականգնմանը:

Նմանատիպ նյութեր

Մինչև 200 հազար դրամ աշխատավարձ ստացողները 2027-ից կընդգրկվեն առողջության ապահովագրության համակարգում․ նախագիծն ընդունվեց

Մինչև 200 հազար դրամ աշխատավարձ ստացողները 2027-ից կընդգրկվեն առողջության ապահովագրության համակարգում․ նախագիծն ընդունվեց

Ազգային ժողովը նոյեմբերի 17-ի նիստին առաջին և երկրորդ ընթերցմամբ ու ամբողջությամբ ընդունեց   մի շարք նախագծեր: Առաջին ընթերցմամբ ընդունվեց Առողջության համընդհանուր ապահովագրության համակարգի ընդլայնմանն առնչվող նախագծին, որով նախատեսվում է 2027 թվականի հունվարի 1-ից...

Ես ձեզ թվեր չեմ հարցնելու, թվերի հետ, ոնց որ, լավ չեք․ Ագնեսա Խամոյանը՝ Վահե Հովհաննիսյանին

  «Ես ձեզ թվեր չեմ հարցնելու, թվերի հետ, ոնց որ, լավ չեք, ինձ հետաքրքիր է ձեր մոտեցումը, առհասարակ այդ փիլիսոփայությունը՝ որպես ֆինանսների նախարար, իրավապահ ուժային կառույցների գործողությունների վերաբերյալ, որոնք անուղղակի կամ ուղղակի...

Զբաղվե՛ք մայրաքաղաքի խնդիրներով․ Գառնիկ Դանիելյանը՝ քաղաքապետին

Զբաղվե՛ք մայրաքաղաքի խնդիրներով․ Գառնիկ Դանիելյանը՝ քաղաքապետին

ԱԺ նախկին պատգամավոր Գառնիկ Դանիելյանը գրում է. «Տպավորություն է ստեղծվում, որ Երևանի քաղաքապետի մամուլի խոսնակը հերթական հանձնարարությունն է ստացել անդրադառնալու իմ համեստ անձին՝ այս անգամ շահարկելով հերոս Ալբերտ Հովհաննիսյանի անունը։ Տիկի՛ն, կարծում եմ՝ հասկանալի է,...

Մի շարք ճանապարհային խախտումների տուգանքները կբարձրանան․ ԱԺ-ն ընդունեց նախագիծը

Մի շարք ճանապարհային խախտումների տուգանքները կբարձրանան․ ԱԺ-ն ընդունեց նախագիծը

Ազգային ժողովում ներկայացվել է օրենսդրական փաթեթ որով առաջարկվում է մի շարք ճանապարհային խախտումների համար տուգանքները 5 հազարից բարձրացնել մինչև 20 հազար դրամ՝ սահմանելով նաև լրացուցիչ տուգանային միավորներ։ Այս մասին երեկ հայտարարել էր ՆԳՆ նախարարի տեղակալը։...

ՔՊ-ն հանրաքվե նախաձեռնելու մանդատ չի ստացել․ Լևոն Քոչարյան

ՔՊ-ն հանրաքվե նախաձեռնելու մանդատ չի ստացել․ Լևոն Քոչարյան

«Հայաստան» խմբակցության պատգամավոր Լևոն Քոչարյանը ԱԺ նիստի ընդմիջման ժամանակ լրագրողների հետ զրույցում, անդրադառնալով նրան, որ ՔՊ-ն առաջարկել է, որ իրենք ընդդիմության նախագծերին կողմ քվեարկեն, ընդդիմությունն էլ կողմ լինի, որ նոր Սահմանադրության նախագիծը դրվի...