Քրիստինե Վարդանյանը պատասխանել է քաղաքացիների հարցերին

10 Հունիսի, 2026

Իմ մտքում և մեր պրակտիկայում մանդատներ վերցնելը և հեղափոխություն անելը իրար չեն հակասում ընդհանրապես, մենք փողոցային պայքար ենք իրականացրել, երբ ունեցել ենք մանդատ, երբ չենք ունեցել մանդատ, այդ երկուսը իրար չեն հակասում։ Այս մասին այսօր՝ հունիսի 10–ին, ֆեյսբուքյան իր էջում հայտարարել է «Հայաստան» դաշինքի ցուցակում ընդգրկված, ԱԺ պատգամավոր Քրիստինե Վարդանյանը՝ պատասխանելով քաղաքացիների հարցերին։

«Եթե հարցը այն է, որ մանդատները կարող են խանգարել փողոցային պայքարին, իմ խորին համոզմամբ ոչ, հակառակը կարող են օգնել, սկսած նրանից, որ ընդդիմության փողոցային պայքարի առաջնորդներին չեն կարող ուղղակի փողոցից վերցնել և մեկուսացնել, դրա համար պետք է անձեռնամխելիությունը հաղթահարել, սկսած նրանից, որ քո խոսքը կարող է ավելի հնչեղ լինել, դու կարող ես ավելի արդյունավետ հաղորդակցել միջազգային դերակատարների հետ, և քո հանրության հետ էլ նաև՝ հարթակների առումով։

Բայց եթե հարցնում եք՝ արդյոք դա պարտադիր պայման է, ապա՝  ոչ։ Մենք օրինակ, հայրենիքի փրկության շարժում ենք իրականացրել առանց որևէ մանդատ ունենալու։ Այսինքն այս հարցը մանդատների հետ կապված չէ, իսկ փոփոխություն պետք է անել այն ժամանակ, երբ դա հնարավոր ես տեսնում անել»,–ասաց նա։

Հարցին՝ երբ քաղաքացիները սպասեն պատասխանի մանդատները դնել կամ չդնելու մասով, Քրիստինե Վարդանյանն ասաց. ««Այս պահին վերահաշվարկ է տեղի ունենում և ամենակարևոր հարցը՝ արդյոք «Բարգավաճ Հայաստան» կուսակցությունը հաղթահարում է անցողիկ շեմը թե ոչ։ Բազմաթիվ  կարևորագույն հարցեր կան՝ սկսած մանդատներից մինչև այն, թե ինչպես ենք պայքարը շարունակում, որ պիտի լինի ընդդիմության միասնական դիրքորոշում, որպեսզի լինի հնարավորինս արդյունավետ։ Բայց դրա համար նախ պետք է պարզել, թե ընդդիմությունը քանի ուժից է բաղկացած, քանի ուժ է հաղթահարել անցողիկ շեմը խորհրդարանի և քանի ուժով պետք է այդ որոշումները կայացվեն։

Առաջիկա շաբաթվա ընթացքում պարզ կլինի, իսկ երկրորդ փուլը ընտրությունների արդյունքների վիճարկումն է Սահմանադրական դատարանում և ընտրությունների լեգիտիմության հարցը։ Սա ևս մանդատներ վերցնել, չվերցնելու հարցի հետ կապ չունի, մենք վիճարկում ենք ՔՊ–ի ստացած ձայները, վիճարկում ենք, որ իրենք ավելի քիչ ձայն են ստացել, վիճարկում ենք, որ իրենք այնպիսի միջոցների են դիմել է ձայներ ստանալու, որոնք ազդել են ընտրությունների արդյունքների վրա»,–ասաց ընդդիմադիր գործիչը։

Նա նաև հիշատակեց, որ ԱԺ նախագահ Ալեն Սիմոնյանն այսօր հանդես է եկել տեսաուղերձով, որտեղ հայտարարել է, որ եթե ընդդիմադիր ուժերը չվերցնեն մանդատները, ապա իրենք մտածում են, որ  իրենք դա ինչ-որ կերպ փոխանցեն շեմը չհաղթահարած ուժերին. «Թե ի՞նչ կանեն, ՔՊ-ի դեպքում կանխատեսելը անշնորհակալ գործ է։

Ինչ վերաբերում է ակտիվ գործողություններին, դա միասնական ընդդիմության որոշումները պետք է լինեն։  Ամեն մի ուժ ստացել է վստահության որոշակի մասնաբաժին, և հենց դրանով էլ պետք է առաջնորդվի, ամեն մեկն ունի իր պատասխանատվության բաժինը, բայց այդտեղ էլի ամենաբազային հարցն այն է, թե արդյոք «Բարգավաճ Հայաստան» կուսակցությունը հաղթահարել է շեմը, թե չէ, որը պարզ կլինի առաջիկա օրերի ընթացքում։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...