ՔՊ-ում քաղաքական փոթորիկ է. ներթիմային կասկածներ կան. «Ժողովուրդ»

17 Փետրվարի, 2026

«Ժողովուրդ» օրաթերթը գրում է. ««Ժողովուրդ» օրաթերթի իշխանական աղբյուրների փոխանցմամբ՝ ՔՊ-ում տեղի ունեցած եռօրյա նախընտրական ցուցակի ներքին ընտրությունները վերածվել են իրական քաղաքական փոթորկի՝ բացահայտելով լուրջ լարվածություն իշխանական թիմի ներսում։

Ուրբաթից մեկնարկած և երեք օր շարունակված գործընթացը, որը պետք է դառնար ձևական հաստատում, իրականում դարձել է ուժերի վերաբաշխման փաստ։ Տասնյակ ՔՊ-ական պատգամավորներ և կառավարության անդամներ գրեթե համոզված էին, որ իրենց տեղը երաշխավորված է «ՔՊ 50-յակում»։ Սակայն արդյունքները սառը ցնցուղի ազդեցություն են ունեցել շատերի համար․ բացի այդ, գործող բազմաթիվ պատգամավորներ պարզապես դուրս են մնացել մրցակցությունից։

«Ժողովուրդ» օրաթերթի հետ մասնավոր զրույցներում երջանիկ 50-յակում չընդգրկված պատգամավորներից մի քանիսը կասկածներ հայտնեցին, որ 1028 հոգանոց ընտրիչ-պատվիրակներն այնպիսի մարդիկ են ընտրվել, որ այսպիսի պատկեր ձևավորվի։ Կարճ ասած՝ մրցակցային մասով ներթիմային կասկածներ կան։

Ամենամեծ անակնկալներից մեկը եղել է ՀՀ առողջապահության նախարար Անահիտ Ավանեսյանի ստացած մեծ թվով քվեները։ Նա դարձել է ցուցակի առաջին կինը՝ 1028 պատվիրակներից ստանալով 554 ձայն և զբաղեցնելով 13-րդ հորիզոնականը։ Հատկանշական է, որ Ավանեսյանը միայն վերջին շրջանում է առավել ակտիվորեն ասոցացվում ՔՊ-ի ներսում, սակայն կարողացել է առաջ անցնել տարիներով կուսակցական գործունեություն ծավալած բազմաթիվ պատգամավորներից։

Արդյունքները անսպասելի են եղել նաև ՀԷՑ-ի ժամանակավոր կառավարիչ Ռոմանոս Պետրոսյանի համար, ով հայտնվել է ցուցակի 12-րդ տեղում, ինչպես նաև ԱԺ նախագահ Ալեն Սիմոնյանի համար, որը 9-րդ հորիզոնականում է։ Թեև առաջին հայացքից դիրքերը բարձր են թվում, սակայն իշխանական շրջանակներում սպասումները շատ ավելի հավակնոտ են եղել։

Միաժամանակ աչքի է ընկնում նաև ձայների համեմատաբար ցածր թիվը Նիկոլ Փաշինյանի ամենավստահելի համարվող թիմակիցներից մեկի՝ ԱԺ ՔՊ խմբակցության պատգամավոր Արուսյակ Մանավազյանի պարագայում։ Վերջինս ստացել է ընդամենը 362 ձայն և հայտնվել ցուցակի 34-րդ տեղում։ ՔՊ-ում կարծում են, որ Մանավազյանն ավելի մեծ թվով ձայներ պետք է ստանար՝ լինելով Փաշինյանի վստահելի անձը։

Հիշեցնենք, որ ArmLur.am-ը ներկայացրել էր այն ՔՊ-ական պատգամավորներին, որոնց չհաջողվեց լինել ՔՊ նախընտրական ցուցակի առաջին փուլի 50-յակում։

ԱԺ ՔՊ խմբակցության պատգամավոր, արտաքին հարաբերությունների մշտական հանձնաժողովի նախագահ Սարգիս Խանդանյանը՝ 282 ձայն։

ԱԺ ՔՊ խմբակցության պատգամավոր Լուսինե Բադալյանը՝ 270 ձայն։

ԱԺ ՔՊ խմբակցության պատգամավոր Արփի Դավոյանը՝ 264 ձայն։

ԱԺ ՔՊ խմբակցության պատգամավոր Լիլիթ Մինասյանը՝ 254 ձայն։

ԱԺ ՔՊ խմբակցության պատգամավոր Տրդատ Սարգսյանը՝ 254 ձայն։

ԱԺ ՔՊ խմբակցության պատգամավոր Մարիամ Պողոսյանը՝ 238 ձայն։

ԱԺ ՔՊ խմբակցության պատգամավոր, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ 225 ձայն։

ԱԺ ՔՊ խմբակցության պատգամավոր, ԱԺ ֆինանսավարկային և բյուջետային հարցերի մշտական հանձնաժողովի նախագահ Ծովինար Վարդանյանը՝ 216 ձայն։

ԱԺ ՔՊ խմբակցության պատգամավոր Նարեկ Ղահրամանյանը՝ 206 ձայն։

ԱԺ ՔՊ խմբակցության պատգամավոր Թագուհի Ղազարյանը՝ 186 ձայն։

ԱԺ ՔՊ խմբակցության պատգամավոր Լիլիթ Ստեփանյանը՝ 186 ձայն։

ԱԺ ՔՊ խմբակցության պատգամավոր Էդուարդ Աղաջանյանը՝ 171 ձայն»։

Նմանատիպ նյութեր

Մարդը արյունահոսում է, նրան պատշաճ բուժօգնություն չի ցուցաբերվում․ փաստաբանը՝ ՔԿՀ պայմանների մասին 

  «Ունեմ մի պաշտպանյալ՝ Արթուր Վարդանյանը, որի առողջական խնդիրների մասին բազմիցս բարձրաձայնել և անդրադարձել եմ։ Նա չափազանց լուրջ առողջական խնդիրներ ունի, սակայն համապատասխան մարմինների կողմից գործուն քայլեր չեն ձեռնարկվում։ Երբ իմ...

Ինչ է կատարվում Սպիտակում ընտրություններից առաջ. «Արմլուր»

Ինչ է կատարվում Սպիտակում ընտրություններից առաջ. «Արմլուր»

Ընտրական հանձնաժողովը պահանջում է «Քաղաքացիական պայմանագրի» թեկնածու Քաջայր Նիկողոսյանին դուրս թողնել համայնքապետի ընտրություններից: ArmLur.am-ը գրել էր, որ նոյեմբերի 29-ին Սպիտակի ավագանու ընտրություններ են և Նիկողոսյանի դեմ են դուրս եկել նրա ենթակաները՝ «Բարոյական...

Ռուսաստանը մշտապես հանդես է գալիս Վրաստանի հետ գործնական և փոխշահավետ հարաբերությունների հաստատման օգտին. ՌԴ ԱԳՆ

Ռուսաստանը մշտապես հանդես է գալիս Վրաստանի հետ գործնական և փոխշահավետ հարաբերությունների հաստատման օգտին. ՌԴ ԱԳՆ

Մոսկվան արդեն կապ է հաստատել Ռուսաստանի հետ հարաբերությունների հարցերով Վրաստանի վարչապետի նոր հատուկ ներկայացուցիչ Գեորգի Զուրաբաշվիլիի հետ։ Այս մասին երկուշաբթի հայտնել է «Իզվեստիա» թերթը՝ վկայակոչելով Ռուսաստանի արտաքին գործերի նախարարությանը։ «Գեորգի Զուրաբաշվիլիի...

Գալյանի ելույթը ջրի երես բերեց ՔՊ-ի քաղաքական երեսպաշտությունն ու երկակի ստանդարտները․ Ավետիսյան

«Օրեր առաջ արդարադատության նախարար Սրբուհի Գալյանի հուզառատ ելույթը հերթական անգամ ջրի երես բերեց իշխող «Քաղաքացիական պայմանագիր» կուսակցության քաղաքական երեսպաշտությունն ու երկակի ստանդարտները։ Այսօր երկրում առկա քաղաքական բանտարկյալների...

Դավիթ Զիրոյանը նշանակվել է Վարդենիսի քննչական բաժնի պետ. ով է նա

Դավիթ Զիրոյանը նշանակվել է Վարդենիսի քննչական բաժնի պետ. ով է նա

Դավիթ Զիրոյանը նշանակվել է ՀՀ քննչական կոմիտեի Գեղարքունիքի մարզային քննչական վարչության Վարդենիսի քննչական բաժնի պետ: Այս մասին հայտնում են Քննչական կոմիտեից: Դավիթ Մկրտչի Զիրոյանի կենսագրությունը Ծնվել է 1990 թվականի հոկտեմբերի 3-ին Գեղարքունիքի մարզի Կամո քաղաքում:...