Երեք անչափահասի մայր Լիանա Հարությունյանը, ով հուլիսի 11-ին կալանավորվել էր և որի կալանքը փոխվել էր 17-ին (վարչական վերահսկողության ու բացակայության արգելք), այսօր պատմել է 8 ամսական երեխայի հետ կալանավայրում անցկացրած օրերի մասին:
«Աբովյան ՔԿՀ-ում մեզ մոտեցավ աշխատակիցներից մեկը, ասաց՝ պետք է քեզ էլ մաքուր պահես, երեխայիդ էլ: Բացեցի բաղնիքի դուռը, տեսա՝ լողանալու համար ոչ մի հարմարություն չկա, անմխիթար վիճակ էր: Մի փոքրիկ մոյկա էր, ունիտազ՝ մեջը կեղտոտ: Ապշած էի էդ վիճակից: Մի երկու հիգիենայի պարագա բերեցին բալիկիս, էնքան որ մոյկայի մեջ գոլ ջուր եմ լցրել, լողացրել երեխային: Սոված էր, չէր քնում, չկար նաև օրորոց, 7-8 տարեկանի կոշտ մահճակալ էր միայն, իսկ ինձ համար՝ նեղ, երկաթից մահճակալ: Խցում բալիկս անընդհատ լաց էր լինում, աշխատակցին ասացի՝ կարո՞ղ է ուտելու ինչ-որ բան ունենաք, բալիկս չի դիմանում, ասացին՝ զանգիր ամուսնուդ, թող բերի, ուրբաթ է, երկու օր չենք կարող ո՛չ պամպերս տալ, ո՛չ կաթ: Մինչև ամուսինս հասավ, գիշերվա կեսն էր…»,- պատմել է Հարությունյանը:
Մանրամասները՝ տեսանյութում:
