ԿԸՀ–ն վերջապես ամփոփել է բոլոր` 2005 տեղամասերի նախնական արդյունքները: Ըստ հրապարակված տվյալների՝
«Քաղաքացիական պայմանագիր» – 49,81%,
«Ուժեղ Հայաստան» դաշինք – 23,29%,
«Հայաստան» դաշինք – 9,94%,
«Բարգավաճ Հայաստան» կուսակցություն – 4%։
Կենտրոնական ընտրական հանձնաժողովը հրապարակել է նաև 2026 թվականի հունիսի 7-ին անցկացված Ազգային ժողովի ընտրությունների քվեարկության մասնակցության նախնական տվյալները։
ԿԸՀ-ի փոխանցմամբ՝ ընտրելու իրավունք ունեցող քաղաքացիների ընդհանուր թիվը կազմել է 2 միլիոն 503 հազար 976, իսկ քվեարկությանը մասնակցել է 1 միլիոն 476 հազար 597 քաղաքացի, ինչը կազմում է ընտրողների 58.97 տոկոսը։
Ամենաբարձր մասնակցությունը գրանցվել է Սյունիքի մարզում՝ 66.67 տոկոս։ Սյունիքում ընտրելու իրավունք է ունեցել 106 հազար 972 քաղաքացի, որոնցից քվեարկությանը մասնակցել է 71 հազար 320-ը։
Բարձր մասնակցությամբ մարզերի շարքում են նաև Վայոց ձորը՝ 65.63 տոկոս և Տավուշը՝ 63.40 տոկոս։
Մայրաքաղաք Երևանում, որտեղ կենտրոնացած է ընտրողների ամենամեծ թիվը, ընտրելու իրավունք է ունեցել 849 հազար 488 քաղաքացի։ Քվեարկությանը մասնակցել է 496 հազար 643 ընտրող կամ 58.46 տոկոսը։
Մարզերի կտրվածքով մասնակցության պատկերը հետևյալն է.
- Սյունիք – 66.67%
- Վայոց ձոր – 65.63%
- Տավուշ – 63.40%
- Կոտայք – 61.66%
- Արագածոտն – 61.70%
- Արարատ – 59.87%
- Լոռի – 58.59%
- Երևան – 58.46%
- Արմավիր – 55.80%
- Շիրակ – 55.46%
- Գեղարքունիք – 54.60%
