«Փաստ» օրաթերթը գրում է, որ 2026թ. առաջին եռամսյակի բյուջեի տվյալները վկայում են կառավարման արդյունավետության լուրջ խնդիրների մասին. եկամուտները կազմել են 668,5 միլիարդ դրամ՝ պլանից 5,2% ավելի, իսկ ծախսերը՝ 603,3 միլիարդ, պլանից 29,6%-ով կամ 254,2 միլիարդով պակաս։
«Լույս» հիմնադրամի վերլուծությամբ ընդհանուր թերակատարման 54%-ը կամ 137,4 միլիարդը բաժին է ընկնում կապիտալ ծախսերին, որոնք նախորդ տարվա նույն ժամանակահատվածից նվազել են 43,4%-ով և պլանի նկատմամբ թերակատարվել ավելի քան քառակի։
Ցածր է նաև ոլորտային ծրագրերի կատարողականը. ՊՆ՝ 39,9%, ԿԳՄՍ՝ 65,6%, ՏԿԵ՝ 62,7%։ Արտաքին աղբյուրների հաշվին կատարված ծախսերը՝ 0,7% կամ 4,3 միլիարդ, շուրջ քառակի ցածր նախատեսվածից և 2,3 անգամ պակաս՝ նախորդ տարվա նույն ժամանակահատվածից։
