Իսրայելի բանակի կողմից գիշերային ժամերից սկսած Լիբանանի հարավում իրականացված ավիահարվածների հետևանքով զոհվել է առնվազն 18 մարդ։ Այդ մասին հայտնում է Լիբանանի առողջապահության նախարարությունը՝ ներկայացնելով նախնական տվյալներ։
Իսրայելը շարունակում է հարվածներ հասցնել Լիբանանի հարավային շրջաններին՝ չնայած ԱՄՆ-Իրան համաձայնագրին և հրադադարի ռեժիմին, որը մայիսի 17-ից երկարաձգվել է ևս 45 օրով։
Լիբանանյան NNA լրատվական գործակալության փոխանցմամբ՝ իսրայելական կործանիչները գիշերվա ընթացքում հարվածներ են հասցրել Էն-Նաբաթիա քաղաքին, ինչպես նաև Քաֆր Ջուզ, Քաֆր Թաբնիթ, Վերին Նաբաթիա, Հարուֆ, Շարքիյա, Դուվեյր, Քուսայբա, Քաֆր Ջալալ, Ադշիթ, Թուլ և Ջաբշիթ բնակավայրերին։
