«Փաստ»-ը գրում է. Մայր Աթոռ Սուրբ Էջմիածնում կազմակերպված ժամերգությանը եկած քաղաքացիների թիվը, ըստ մեր աղբյուրների, լրջորեն անհանգստացրել է ՔՊ-ականներին։
Մեր աղբյուրները հայտնում են, որ ի աջակցություն Եկեղեցու և Կաթողիկոսի հավաքված քաղաքացիների թիվը կազմել է շուրջ 10,000 քաղաքացի։ Միևնույն ժամանակ, իշխանությունների կողմից բերված քաղաքացիների թիվը 250-300 հոգի էր, որոնք մեծ մասամբ բերվել էին ՔՊ-ական վարչական ռեսուրսի, և, մասնավորապես, հավատարիմ ՏԻՄ ղեկավարների միջամտությամբ։ Այդ իսկ պատճառով նշված մարդկանց խումբը ամբողջ հավաքի ընթացքում վերածվել էր թափառական շապիտո կրկեսի և անարդյունավետ փորձում էր ակտիվ տեղաշարժերի և տարբեր սադրանքների միջոցով ուշադրություն գրավել և բազմամարդություն ցույց տալ։
