«Փաստ» օրաթերթը գրում է, որ նոր կառավարության ձևավորման փուլում իշխող թիմը նախապատրաստում է հանրային կարծիքը գործող վարչապետի պաշտոնավարումը շարունակելու համար՝ հղում անելով «ժողովրդավարական առաջադեմ երկրների փորձին» ու, մասնավորապես, Անգելա Մերկելի բազմամյա պաշտոնավարմանը։
Ըստ թերթի, նույն մոտեցմամբ արդարացվում են բարձր աշխատավարձերը, առատ պարգևատրումները և ծառայողական ավտոպարկի թարմացումը՝ ներկայացվելով որպես միջազգային ստանդարտների պահանջ։
«Փաստ»-ը հարցնում է, թե երբ «եվրոպական չափանիշը» կանդրադառնա շարքայինների կյանքին՝ կրթությունից մինչև զինվորի անվտանգություն, մինչդեռ իշխանությունը խնդիրն արձանագրում է «խոր սոցիալ-հոգեբանական» բարդույթների դաշտում։
