Իրանում գտնվող Ռուսաստանի քաղաքացիները կարող են վերադառնալ Հայաստանի միջոցով։ Այդ մասին հայտարարել է Երևանում Ռուսաստանի դեսպանատունը։
«Մերձավոր Արևելքում իրավիճակի սրման պատճառով հիշեցնում ենք, որ Ռուսաստանի քաղաքացիները կարող են Իրանից Ռուսաստան վերադառնալ Հայաստանի միջոցով», — ասվում է հայտարարության մեջ։
Ռուսաստանի դիվանագիտական առաքելությունը նշել է, որ հայ-իրանական սահմանի Նուրդուզ/Ագարակ սահմանային անցակետը բաց է մնում 24/7 ռեժիմով։
«Իրանի և Հայաստանի միջև սահմանը բաց է Ռուսաստանի քաղաքացիների համար. անցումը ազատ է գործող միջազգային կամ ներքին անձնագրերով։ Նախնական ծանուցում անհրաժեշտ չէ։ Սահմանը հատելուց հետո խորհուրդ ենք տալիս շարժվել դեպի Երևան կամ Շիրակ, որոնք ուղիղ օդային կապ ունեն Ռուսաստանի քաղաքների հետ», — ասվում է հայտարարության մեջ։
