Իրանի հետախուզության նախարարությունը պաշտոնական հայտարարությամբ դիմել է Ֆրանսիայի կառավարությանը՝ զգուշացնելով, որ Թեհրանի դեմ ուղղված «անօրինական և միջամտական» քայլերն անպատասխան չեն մնա։
Վերջին օրերին երկու երկրների միջև դիվանագիտական լարվածությունը հասել է գագաթնակետին: Իրանական կողմը հայտարարել է Թեհրանում Ֆրանսիայի դեսպանատան երկու դիվանագետների մասնակցությամբ ենթադրյալ «լրտեսական ցանցի» բացահայտման մասին, ինչին հետևել է նրանց persona non grata ճանաչելու և երկրից արտաքսելու որոշումը։ Ի պատասխան՝ Փարիզն իր հերթին կտրուկ է արձագանքել՝ հերքելով մեղադրանքները և հայտարարելով իրանցի դիվանագետների արտաքսման մասին։
Իրանի հետախուզական և անվտանգության կառույցները, այդ թվում՝ ԻՀՊԿ-ին մոտ կանգնած ալիքները, շեշտել են, որ ֆրանսիական կողմի ցանկացած նման գործողություն կարժանանա «համաչափ և կոշտ պատասխանի», և Փարիզը պետք է պատասխանատվություն կրի հետևանքների համար։
