Իրանը Միացյալ Նահանգներին առաջարկ է ներկայացրել՝ կոչ անելով բացել Հորմուզի նեղուցը և վերացնել շրջափակումը։ Ռոյթերսին հայտնել է իրանցի բարձրաստիճան պաշտոնյան, որը խոսել է անանուն մնալու պայմանով։
Նրա խոսքով, առաջարկը նախատեսում է Իրանի կողմից Հորմուզի նեղուցում նավագնացության վերականգնում, իսկ ԱՄՆ-ի կողմից՝ Իրանի նավահանգիստների ծովային շրջափակման դադարեցում: Միաժամանակ, առաջարկվում է Իրանի միջուկային ծրագրի շուրջ բանակցությունները հետաձգել մինչև ավելի ուշ փուլ։ Սակայն ԱՄՆ նախագահ Դոնալդ Թրամփը մերժել է առաջարկը: Սպիտակ տանը լրագրողների հետ զրույցում նա նշել է, որ չի կարող համաձայնվել Իրանի որոշ պայմանների հետ։
Նշենք, որ չնայած այն հանգամանքին, որ ԱՄՆ-ի և Իսրայելի կողմից Իրանի վրա ավիահարվածների դադարեցումից անցել է չորս շաբաթ, հակամարտության դադարեցման վերաբերյալ որևէ համաձայնություն չի ձեռք բերվել։
