Էներգետիկ անվտանգության փորձագետ Վահե Դավթյանի ֆեյսբուքյան գրառումը․ «Իրանը էլեկտրաէներգետիկ միջանցք է բացում Նախիջևանով։
«Իրանը Ադրբեջանին տրամադրում է ճանապարհ դեպի Նախիջևան իր տարածքով, այդ հարցում արդեն աշխատանքներ են տարվում, և կա պայմանավորվածություն»․ հիշո՞ւմ եք Իրանի նախագահ Փեզեշքիանի՝ վերջերս արած այս հայտարարությունը:
Առնվազն էլեկտրաէներգետիկ հաղորդակցությունների մասով այս սցենարն այսօր կյանքի է կոչվում «գետնի վրա»:
Ս.թ. ապրիլին Ադրբեջանի փոխվարչապետ Մուսթաֆաևի և Իրանի ճանապարհաշինության և քաղաքային զարգացման նախարար Սադաղիի հանդիպման ժամանակ կողմերը հայտարարել են այսպես կոչված «Արևելյան Զանգեզուրի տնտեսական գոտու» և Նախիջևանի միջև էլեկտրահաղորդման գծի կառուցման մասին:
Դրան զուգահեռ «Ազերէներջի» պետական ընկերության ու թուրքական էլեկտրաէներգետիկ շուկայի առանցքային խաղացող TEİAŞ-ի միջև օպերացիոն համաձայնագիր է կնքվել՝ Թուրքիա էլեկտրաէներգիայի արտահանման ծավալների ավելացման վերաբերյալ: Այս անգամ՝ ոչ միայն Վրաստանի, այլ նաև Նախիջևանի տարածքով:
Սա չափազանց կարևոր ազդակ է Երևանի համար՝ հատկապես հաշվի առնելով այն, որ Բաքուն այսպես կոչված «Զանգեզուրյան միջանցք» նախագծի ներքո ավանդաբար դիտարկում է նաև բարձրավոլտ էլեկտրահաղորդման գծի կառուցումը:
Արդյո՞ք սա վկայում է «միջանցքի» հարցում Բաքվի որոշակի նահանջի մասին:
Տեսնենք:
Ամեն դեպքում, Իրանը, ինչպես տեսնում ենք, հավատարիմ է իր կողմից սահմանված աշխարհաքաղաքական կարմիր գծերին»։
Ուզում էին մասկի շոու անել ու ինձ ձերբակալել. Սամվել Կարապետյան
«Ուզում էին մասկի շոու անել ու ինձ ձերբակալել։ Իսկ մարդիկ, հասարակ մարդիկ, որոնք հավաքվել էին բակում, հակահարված տվեցին»,- RT-ին ասել է գործարար Սամվել Կարապետյանը՝ մեկնաբանելով ՀՀ ՆԳՆ-ի կողմից իրեն ձերբակալելու փորձը: Հիշեցնենք, որ «Տաշիր» ընկերությունների խմբի...
