Մեծ թվով հայ վարորդներ արդեն 10 օր է՝ գտնվում են Իրանի Իսլամական Հանրապետության տարածքում՝ Ագարակի անցակետի մոտ, սակայն չեն կարողանում մուտք գործել Հայաստան, հաղորդում է Shamshyan.com-ը։

Վարորդներն ահազանգել են․ «Իրան-Ագարակ մաքսատանը հայ վարորդները անտեսված վիճակում են էն աստիճանի, որ այստեղից դուրս չեն թողնում, բայց պարսիկները առանց որևէ խնդրի և՛ դուրս են գալիս, և՛ մտնում են, իսկ մենք արդեն 10 օր կանգնած ենք ու հույս չունենք, որ մոտակա օրերին կարանք դուրս գանք ստեղի տամոժնիայով։ Մեր մաքսատանը դիմել ենք զանգով, բայց նորից անտեսվել ա մեր բողոքը։ 1000-ից ավելի բեռնատար մնացել են Իրանի տարածքում ու դուրս գալու հույս չունեն»։