Մենք ենթադրում էինք, որ «Պատիվ ունեմ»-ը, ՀՀԿ-ն՝ ստանձնելով պատասխանատվությունը, առնվազն գործընթացը սկսելու համար բավարար 8 ստորագրությունն ունի։ Այս մասին մամուլի ասուլիսի ժամանակ ասաց «Հայաստան» խմբակցության պատգամավոր Իշխան Սաղաթելյանը։
« «Հայաստան» խմբակցությունը հայտարարեց, որ պատրաստ է պակասող 28 ստորագորությունները տրամադրել։ Մեր գործընկերներին շատ պարզ հարցեր ենք տվել՝ արդյո՞ք 36 ստորագրությունը, այդ թվում պակասող 2-ը կա, ասացին, որ չկա, բայց եթե լինի էլ, չեն պլանավորում բերել ԱԺ օրակարգ, դա կանեն 54 ստորագրության դեպքում։ Բայց այդ ընթացքում Հայկ Մամիջանյանը հրապարակեց 6 ստորագրությունները։ Խոսակցություններ եղան, որ «Հայաստան» դաշինքից ոմանք կաշկանդված են քրեական գործերով, չեն միանում իմփիչմենթին, մենք հրավիրել ենք մեր պատգամավորներին, նրանք տվել են իրենց ստորագրությունները Դավիթ Համբարձումյանով անվստահություն հայտնելու գործընթացի համար։ Ասել ենք՝ կան ստորագրությունները, մեզ վրա մի կենտրոնացեք, եկեք միասին աշխատենք պակասող ստորագրությունները բերելու համար»,- նշեց նա։
Սաղաթելյանն ընդգծեց, որ իմպիչմենտի նախաձեռնողներից ոմանք չափերը կորցրել են և նշեց․ «Մեր գործընկերներն արդյո՞ք այս լեզվով են խոսում մեզ հետ և արդյո՞ք այս իրավիճակով ենք մոտենում գործընթացին, սա լո՞ւրջ է»։
Մանրամասն՝ տեսանյութում։
