«Դաշնակցությունը՝ իբրև համահայկական ազգային քաղաքական ուժ, գլխավոր թիրախներից մեկն է, բայց ոչ միակը։ Դուք տեսնում եք՝ ինչ է կատարվում տարբեր քաղաքական գործիչների և հատկապես Հայ առաքելական եկեղեցու նկատմամբ։
Արման Եղոյանն առաջինը չէ։ Այս մասին 2019 թվականին Նիկոլ Փաշինյանն էլ է խոսել, որ Դաշնակցությունն այլևս պատմության աղբանոցում է։ Թաղում էր Դաշնակցությանը, ասում էր՝ մնացել է տապանաքարը։ Կտեսնենք՝ վերջում ում վրա է դրվում այդ տապանաքարը։
Իսկ ընդհանրապես արմատախիլ պետք է արվի ՔՊ-ն ամբողջությամբ, որովհետև ՔՊ-ն հայ ժողովրդին դժբախտություն, մահ, ողբերգություն բերած քաղաքական ուժ է։ ՔՊ-ն մի ուժ է, որի օրոք զրկվել ենք մենք մեր հայրենիքից։ Հայաստանի տարածքային ամբողջականությունն ու ինքնիշխանությունն իրենց իշխանության օրոք ամբողջությամբ խաթարված և ոտնահարված են»,- այս մասին այսօր՝ սեպտեմբերի 16-ին, հայտարարեց ԱԺ «Հայաստան» խմբակցության պատգամավոր Իշխան Սաղաթելյանը։
Մանրամասն՝ տեսանյութում։
