«Հայրենասիրությունը սկսում է բնությունից։ Մայրս միշտ ասում էր՝ ում տեսնում ես, որ բնության նկատամբ անտարբեր է, հետը ընկերություն մի՛ արա, նա հետաքրքիր մարդ չի դառնա, նա վտանգավոր է։ Մեր էս վիճակի պատճառը հենց հայրենասիրության պակասն է, բնության նկատամբ անտարբերությունը։ Բնությունից կտրված մարդը վտանգավոր մարդ է, հողից կտրված մարդը սարսափելի է, նրանից ամեն սարսափելի բան սպասելի է»,- ասում է Արցախի նկարիչների միության նախագահ Հովիկ Գասպարյանը։
«Եթե ինձ մեծ հնարավորություն տան, կուզենամ գնալ իմ ծննդավայրը։ Իմ ցանկությունը դա է՝ ազատագրեն մեր հողը։ Դա էն ցավն է, որ երբեք չի բուժվում, էդ վերքը երբեք չի սպիանում, գնալով խորանում ու խորանում է։
Երկիր կորցնելը սսրսափելի բան է։
Նժդեհն ասում է՝ հայրենիքից դուրս բոլոր դրախտներն ինձ համար խաբուսիկ են։ Ինձ համար է դա։ Ինքը գիտի՝ ոչ բոլորի համար է խաբուսիկ։ Հատուկ մարդկանց համար է երկիրը»,- ասում է ծնունդով Շուշիից Հովիկ Գասպարյանը։
Արցախի նկարիչների միության նախագահի հետ Marz News-ի զրույցը՝ տեսանյութում։
