Առավոտից Քննչականի ու ԱԱԾ ծառայողներ մտան տուն։ Պատճառաբանությունը՝ հիմար պատճառաբանություն է՝ որդուս փաստացի բնակվելու տունը խուզարկելու։ Այս մասին իր տեսաուղերձում հայտարարեց ԱԺ «Հայաստան» խմբակցության պատգամավոր Գեղամ Մանուկյանը։
«Մեր երիտասարդների տները առավոտից խուզարկում են։ Ցանկանում էին առգրավել հեռախոսս, բացատրեցի, որ ԱԺ պատգամավորի անձնական իրերը իրավունք չունեն տանելու։
Խուզարկությունն ավարտվեց, հիմար խուզարկություն էր։ Երկիր Մեդիայի կասետներից տարան, որի վրա գրած էր «կնունք», համակարգիչներից մեկը տարան, Տարոնի հեռախոսը։
Վերջին պահին իմ հեռախոսն էլ զննեցին, հետաքրքրեց մի անուն, որը հիմա քաղական-իշխանական շրջանակները փորձում են թիրախավորել։ Առանց տեսախցիկների հրավիրեցի բալկոն՝ զրուցելու, փորձեցին բռնի ուժով բան անել, մի քիչ ձեռքս վնասվեց։ Փորձեցի թույլ չտալ, բայց հեռախոսս առգրավեցին»,- ասաց նա։
Մանրամասն՝ տեսանյութում։
