Հակակոռուպցիոն դատարանը՝ դատավոր Սարգիս Դադոյանի նախագահությամբ, հետախույզ Արթուր Ավանեսյանի՝ Կանդազի, նկատմամբ ընտրված խափանման միջոց կալանքը փոխարինեց տնային կալանքով։
Հանրային մեղադրողը միջնորդել է երկարացնել Ավանեսյանի կալանքի ժամկետը՝ պնդելով, թե շարունակում է առկա լինել խոչընդոտման հավանականությունը։ Հանրային մեղադրողը պահանջեց անփոփոխ թողնել նաև մյուս մեղադրյալների խափանման միջոցները։
Արամ Վարդևանյանն էլ ընդգծեց, որ Արթուր Ավանեսյանը միակ անձն է, ում նկատմամբ սույն վարույթով կիրառված է եղել ամենաինտենսիվ խափանման միջոցը՝ կալանքը։ Վարդևանյանը նկատեց, որ նախաքննական մարմինը ոչ իրավացի տվյալ էր տվել դատարանին՝ նշելով, թե ինտենսիվ գործողություններ պետք է իրականացվեն, սակայն նույնիսկ կալանքի երկարացման հարց չի եղել։
