ՀԷՑ-ի հետ կապված կա միջազգային դատարանի որոշում, որը պետության ղեկավարի ցանկությունով չի կատարվում, դա նշանակում է, որ Հայաստանը միջազգային իրավական պրոցեսների կատարման ուղղությամբ իր վերցրած պարտավորությունները, երևի առաջին անգամ, չի կատարում: Այս մասին ասուլիսի ժամանակ ասել է «Մեր ձևով» շարժման համակարգող Նարեկ Կարապետյանը:
Նա նշել է, որ դրա պատասխանատվությունը որոշում կայացնողի վրա է, որի հետևանքները, ժամանակի ընթացքում, ցավոք, ՀՀ-ն ստիպված է լինելու կրել:
«Որևէ բանակցություն չենք պատկերացնում, քանի որ կա միջազգային արբիտրաժի որոշում, որ այս պրոցեսները դադարեցվի»,- հավելել է նա:
