Այս իշխանության ոճն է՝ խոսել ժողովրդավարությունից և անել ճիշտ հակառակը։ Այս մասին այսօր՝ մայիսի 23-ին, հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
«Եթե հետևեք, թե որքան մարդ կա ընդդիմադիր ցուցակներում քրեական գործերի տակ, տնային կալանքի տակ, ապա կտեսնեք, որ Հայաստանի պատմության մեջ նման բան պարզապես չի եղել։ Սա յուրահատուկ իրավիճակ է։
Եվ ամենատհաճն այս ամենում եվրոպացիների լռությունն է։ Ուղղակի carte blanche են տվել՝ ասում են՝ «Ինչ ուզում եք, արեք, մենք միևնույն է ասելու ենք, որ դուք ժողովրդավար եք»։
Սա կրկնակի աջակցություն է, այո, կրկնակի ստանդարտների կիրառում է։ Սա այն դեպքն է, երբ աշխարհաքաղաքական շահերը գերադասվում են ամեն ինչից։ Եվ սա լուրջ վնաս է հասցնելու ժողովրդավարացմանը Հայաստանի Հանրապետությունում։
Ինչ վերաբերում է մարդկանց, որոնց ասում են՝ «Ինչո՞ւ չեք մահացել», «Ինչո՞ւ Ղարաբաղի էլիտան չի մահացել»․ կոնկրետ ինքը և ՔՊ-ի էլիտան Հայաստանի տարածքից ավելի քան 200 քառակուսի կիլոմետր են հանձնել, և նույն հարցը կարելի է իրենց տալ՝ այդ տարածքների համար ինչո՞ւ չգնացիք, չկռվեցիք, ինչո՞ւ չմահացաք, եթե իրենց համար տրամաբանությունն այդպիսին է»,- նշեց նա։
Մանրամասն՝ տեսանյութում։
