«Դուք որպես հայ, որպես Հայաստանի բնակիչ, ինչպե՞ս եք պատկերացնում TRIPP-ի իրագորումը։ Միացյալ Նահանգներն այսօր փաստացի պատերազմական վիճակում է Իրանի հետ։ Ո՞նց եք պատկերացնում հայ-իրանական սահմանը հանձնել ամերիկյան ընկերության։ Սա նորմա՞լ եք համարում։ Իրանը դա ո՞նց կընդունի։ Փորձեք մի պահ ձեզ դնել Իրանի տեղը, մարդկային առումով։
Հայաստանի կառավարությունը վստահեցրել է, որ «Արցախը Հայաստան է և վերջ», վստահեցրել է, որ Շուշին ու Հադրութը հետ են բերելու, վստահեցրել է, որ ամեն ինչ նորմալ է։ Ի՞նչ արժեն այդ վստահեցումները։
Փորձեք տրամաբանորեն գնահատել իրավիճակը։ Երկու պատերազմական հակադրության մեջ գտնվող երկրների ֆոնին դու հայ-իրանական սահմանը հանձնում ես ամերիկացիներին։ Իրանը դա ո՞նց պիտի ընդունի»,- այս մասին այսօր՝ մայիսի 20-ին, Քասախում լրագրողների հետ զրույցում նշեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյան։
Մանրամասն՝ տեսանյութում։
