«Գյուղացին չպետք է չարչարվի, բերքն աճեցնի, հետո չիմանա՝ ում և ինչ գնով վաճառի: Պետական քաղաքականությունը պետք է երաշխավորի իրացման կայուն շղթաներ, մթերումների արդար գնագոյացում և արտահանման նոր շուկաների բացում:
Հարգելի՛ հայրենակիցներ, աշխարհում տեղի ունեցող փոփոխություններից, բնականաբար, անմասն չի մնում նաև Հայաստանը: Այդ փոփոխությունները ուղղակիորեն առնչվում են մեր բնակչության առողջությանը, անգամ տնտեսվարողների բնականոն գործունեությանը և ապագա սերունդների կենսագործունեությանը:
Պետության դերն այստեղ առավել ռիսկային փոփոխությունների վերհանումն ու համապատասխան ոլորտներում կարգավորումների սահմանումն է: Սակայն, մյուս կողմից, այդ կարգավորումները պետք է լինեն խիստ թիրախային և արդյունավետ՝ բացառելով Հայաստանի քաղաքացիների վրա անտեղի ու ավելորդ ֆինանսական բեռի ավելացումը: Միաժամանակ պետք է հաշվի առնել, որ տարածաշրջանային և միջպետական գործիքակազմի ճիշտ կիրառման դեպքում Հայաստանը հնարավորություն ունի ստեղծված իրավիճակն օգտագործելու հօգուտ մեր շրջակա միջավայրի՝ միջազգային կորպորացիաներից ներդրումներ ներգրավելով բնապահպանական ծրագրերի և ավելացված արժեքի ստեղծման համար:
Մենք պետք է որդեգրենք բնական ռեսուրսների արդյունավետ և պատասխանատու կառավարման քաղաքականություն:»,- այս մասին ԱԺ իր ելույթում ասաց «Ուժեղ Հայաստան» խմբակցության պատգամավոր Իրինա Յոլյանը։
Մանրամասն՝ տեսանյութում։
