Գերմանիան աջակցում է նաև Հայաստանին և Թուրքիային՝ հարաբերությունները կարգավորելու, սահմանը բացելու և դիվանագիտական հարաբերություններ հաստատելու ուղղությամբ։ «Արմենպրես»-ի փոխանցմամբ՝ այս մասին ասաց ՀՀ վարչապետի Նիկոլ Փաշինյանը Գերմանիայում կանցլեր Ֆրիդրիխ Մերցի հետ համատեղ ասուլիսում;
Տարածաշրջանային հաղորդակցությունների բացման համատեքստում Փաշինյանը համոզմունք հայտնեց, որ կհաջողվի հասնել նաև Հայաստան-Թուրքիա սահմանների բացման կետին։
«Դա նշանակում է ՀՀ ուղիղ կապ՝ այդ թվում ցամաքային, երկաթուղային կապ ԵՄ-ի, այդ թվում՝ Գերմանիայի հետ։ Սա տնտեսական, քաղաքական և ներդրումային իմաստներով շրջադարձային նշանակություն է ունենալու։ Եվ ես ուրախ եմ, որ Գերմանիան աջակցում է նաև Հայաստանին և Թուրքիային հարաբերությունները կարգավորելու, սահմանը բացելու և ի վերջո դիվանագիտական հարաբերություններ հաստատելու ուղղությամբ»,-ասաց վարչապետը։
Փաշինյանը հանդիպման ընթացքում Գերմանիայի կանցլերին պատմել է Հայաստան-Թուրքիա հարաբերություններում տեղի ունեցող դրական գործընթացների մասին։
